Зьмітрок Бядуля

"Савецкая Беларусь"

А Беларусь бязбожніцаю стала
Цьвіце, расьце партыйкай маладой
Глядзіць у доль – ў Эўропу капітала,
Трасе сярпом і молатам з гразьбой

Цяпер яна зрабілась будаўніцай
Куе свой лёс, будуе новы быт.
Усюль кіпіць магутная крыніца,
Ніводны кут у краі не забыт.

Няхай наш сьцяг спрабуе зьдзерці з месца
Ганебны пан, сусьветны капітал:
Тады мы ўсе – чырвоныя армейцы
Тады мы ўсе – чырвоны страшны шквал.

Гэты верш класіка беларускай літаратуры Змітрака Бядулі (Самуіла Яфімавіча Плаўніка, 1886-1941) ўзяты з: Сьцепановіч Хв. М., Кабакоў Н.І. Рабочая кніга па беларускай мове. Менск, 1932.

Выкарыстоўвалася ў якасці падручніка для вячэрніх школ дарослых і рабочай моладзі, для гурткоў яўрэйскіх рабочых і самаадукацыі.