А хто там iдзе?

А хто там iдзе, а хто там iдзе
Ў агромнiстай такой грамадзе?
--Беларусы

А што яны нясуць на худых плячах,
На руках у крывi, на нагах у лапцях?
--Сваю крыўду.

А куды ж нясуць гэту крыўду ўсю,
А куды ж нясуць напаказ сваю?
--На свет цэлы.

А хто гэта iх, не адзiн мiльён,
Крыўду несць наўчыу, разбудзiў iх сон?
--Бяда, гора.

А чаго ж, чаго захацелась iм,
Пагарджаным век, iм, сляпым, глухiм?
--Людзьмi звацца.

1905-07 гг.